Kinnar bhee karate hain ek raat ke lie shaadee, doosare din ho jaate hain vidhava

Sankshipt Vivaran:-

Shree krshn purush hote hue stree roop mein araavan se shaadee rachaate hai isalie kinnar, jo kee stree roop mein purush maane jaate hai,bhee araavan se ek raat kee shaadee rachaate hai aur unhen apana aaraadhy dev maanate hai.  

Araavan ek devata:-

Jinase hotee hai kinnaron kee shaadee,hamaare desh bhaarat ke tamilanaadu raajy mein ek devata, araavan kee pooja kee jaatee hai. Kaee jagah inhe iraavan ke naam se bhee jaana jaata hai. Araavan, hinjado ke devata hai isalie dakshin bhaarat mein hinjado ko araavanee kaha jaata hai. Hinjado  aur araavan devata ke sambandh mein sabase acharaj vaalee baat yah hai kee hinjade apane aaraadhy dev araavan se saal mein ek baar vivaah karate hai. Haalaanki yah vivaah maatr ek din ke lie hota hai. Agale din araavan devata kee maut ke saath hee unaka vaivaahik jeevan khatm ho jaata hai. Ab  savaal yah uthata hai kee araavan hai kaun, hinjade unase kyon shaadee rachaate hai aur yah shaadee maatr ek din ke lie hee kyon hotee hai ? in sabhee prashano ka uttar jaanane ke lie hame mahaabhaarat kaal mein jaana padega.

Mahaabhaarat kee katha ke anusaar..

Ek baar arjun ko, dropadee se shaadee kee ek shart ke ullanghan ke kaaran indraprasth se nishkaasit karake ek saal kee teerthayaatra par bheja jaata hai. vahaan se nikalane ke baad arjun uttar poorv bhaarat mein jaate hai jahaan kee unakee mulaaqaat ek vidhava naag raajakumaaree uloopee se hotee hai. donon ko ek doosare se pyaar ho jaata hai aur donon vivaah kar lete hai. Vivaah ke kuchh samay pashchaat, uloopee ek putr ko janm detee hai jisaka naam araavan rakha jaata hai. Putr janm ke pashchaat arjun, un donon ko vahee chhodakar apanee aage kee yaatra par nikal jaata hai. Araavan naagalok mein apanee maan ke saath hee rahata hai. yuva hone par vo naagalok chhodakar apane pita ke paas aata hai. Tab kurukshetr mein mahaabhaarat ka yuddh chal raha hota hai isalie arjun use yuddh karane ke lie ranabhoomi mein bhej deta hai.

Mahaabhaarat yuddh mein ek samay aisa aata hai jab..

paandavo ko apanee jeet ke lie maan kaalee ke charano mein svechichhk nar bali hetu ek raajakumaar kee jarurat padatee hai. jab koee bhee raajakumaar aage nahin aata hai to araavan khud ko svechichhk nar bali hetu prastut karata hai lekin vo shart rakhata hai kee vo avivaahit nahin marega. is shart ke kaaran bada sankat uttpan ho jaata hai kyoki koee bhee raaja, yah jaanate hue kee agale din usakee betee vidhava ho jaayegee, araavan se apanee betee kee shaadee ke lie taiyaar nahin hota hai.jab koee raasta nahin bachata hai to bhagavaan shree krshn svany ko mohinee roop mein badalakar araavan se shaadee karate hai. agale din araavan svany apane haatho se apana sheesh maan kaalee ke charano mein arpit karata hai. araavan kee mrtyu ke pashchaat shree krshn usee mohinee roop mein kaaphee der tak usakee mrtyu ka vilaap bhee karate hai. ab chukee shree krshn purush hote hue stree roop mein araavan se shaadee rachaate hai isalie kinnar, jo kee stree roop mein purush maane jaate hai, bhee araavan se ek raat kee shaadee rachaate hai aur unhen apana aaraadhy dev maanate hai.

Araavan ke keval sheesh kee pooja hotee hai..

vaise to ab tamilanaadu ke kaee hisson mein bhagavaan araavan ke mandir ban chuke hai par inaka sabase praacheen aur mukhy mandir villupuram jile ke koovagam gaanv mein hai jo kee koothandavar taimplai ke naam se jaana jaata hai.is mandir mein bhagavaan araavan ke keval sheesh kee pooja kee jaatee hai theek vaise hee jaise kee raajasthaan ke khaatooshyaamajee mein barbareek ke sheesh kee pooja kee jaatee hai.